پاکستان ءِ معیشت ءِ ریکوری ءِ پڑ ءَ داخل بوتگ، وفاقی وزیر خزانہ محمد اورنگزیب ءَ بلوم برگ ءَ گوں گپ ءُ تران

اسلام آباد۔15جون  (اے پی پی): وفاقی وزیر خزانہ ءُ ریونیو سینیٹر محمد اورنگزیب ءَ گوشت کہ پاکستان ءِ معیشت ریکوری ءِ پڑ ءَ داخل بوتگ، آیوکیں مالی سال ءِ واستہ وفاقی بجٹ ءَ معیشت ءِ رھبند ءِ ھاسیں رنگ ءَ ٹھینگ بوتگ۔ دوشمبے ءِ روچ ءَ بلومبرگ ءَ گوں تران کنان ءَ وزیر ءِ ھزانگ ءَ گوشت کہ پاکستان ءِ معیشت ریکوری فیز ءَ داخل بوتگ، معیشت ءِ تہ ءَ ترندی بوھگ ءَ اِنت ءُ مہنگائی ءِ تہ ءَ کمی بوھگ ءَ اِنت۔ آئی ءَ گوشت کہ مالیاتی شوبگ ءِ ھوالگ ءَ پاکستان ءِ جاور ھال دلبڈی انت۔ مالیاتی خسارہ تاریخ ءِ تہ ءَ کم ترین تک ءَ اتکگ ءُ ما یک بنجاہی سرپلس ءِ رسگ ءَ سوبین بوتگیں ۔ وزیر خزانہ ءَ گوشت کہ زرّ ءِ ذخیرہ ءِ رد ءَ پاکستان ءِ تہ ءَ کم چہ کم سئے ماہ ءِ درآمد ءِ برابر ءِ ذخیرہ است انت، گڈ سر ءَ مارا برآمد ءِ سروکی ءَ اقتصادی دیمروئی ءِ نیمگ ءَ روگی انت۔ آئی ءَ گوشت کہ آیوکیں مالی سال ءِ وفاقی بجٹ ءَ ما اے گپ ءِ سر ءَ ھاسیں رنگ ءَ رھبند ءِ ٹھینگ کتگ کہ ما اقتصادی جمود ءِ پڑ ءَ چہ پائیدار ءُ وسعت مندیں اقتصادی دیمروئی ءِ نیمگ ءَ چون دیم ءَ روان کن ایں ۔