اسلام آباد۔ 16ستمبر (اے پی پی) پاکستان نا سیکرٹری خارجہ نا چھٹی نا ورندی ٹی بھارت ممبئی جلہو کیس آن بابت مادی شواہد پاکستان تون شیئر کننگ آ آمادگی ظاہر کرے۔ جمعہ آ دفتر خارجہ نا ترجمان میڈیا نا اسہ سوج اسے نا ورندی ئِ ترسا پارے کہ سیکرٹری خارجہ پاکستان نا کنڈآن 8 ستمبر 2015ءآ لکھوک آ چھٹی نا ورندی ٹی 6ستمبر 2016ءآ بھارتی سیکرٹری خارجہ تینا چھٹی ٹی ممبئی ٹرائل نا بابت مادی شواہد پاکستان تون شیئر کننگ آ آمادگی ظاہرکرینے۔ پاکستان بھلو وخت اسے آن ممبئی ٹرائل کن مادی شواہد نا خواست کرسا کرینے۔ ترجمان نا پاننگ ئِ کہ مادی شواہد و استغاثہ گواہ تیا جرح پاکستان اٹی ملکی کانود نا رداٹ مقدمہ ٹی پین پیش رفت کن المی ئِ۔ ننا کانودی چاہندار آک بھارتی سیکرٹری خارجہ نا چھٹی ٹی تجاویز نا کانودی پلو و وڑوڈول نا جاچ ئِ ہلنگ ئُ۔
