اسلام آباد۔ 16ستمبر (اے پی پی) وزیراعظم محمد نواز شریف جمعہ آ مہمند ایجنسی نا مسیت اٹی بمب دھماکہ نا ترندی اٹ مذمت ئِ کرینے ہراٹی بے گناہ بندغ آتے نشانہ جوڑ کننگا۔ وزیراعظم دعا کرے کہ اللہ تعالیٰ ایماندار تے جنت الفردوس اٹی جاگہ ایتے و پدسلوک آ خاہوت آتے صبر کننگ نا توفیق عطاءفرمائفے۔ وزیراعظم پارے کہ دہشت گرد آتا لغوری جلہو ملک آن دہشت گردی نا لعنت نا چٹفنگ نا حکومتی عزم ئِ لڑزوخ کننگ کپک۔ وزیراعظم تعلقدار کمامدار آتے پارت کرے کہ دھماکہ نا ٹھپی مروک آتے ہروڑنا گچین طبی آسراتی فراوان کننگے۔
