عمران خان تینٹ امریکہ غا سفر کننگ کپک، اگہ او کاہک ہم تو ہرا مون اتون امریکی تتون ہیت کیک انتئے کہ اونا پن آف شور اٹی ظاہر مسنے
اسلام آباد۔ 16ستمبر (اے پی پی) بنجائی وزیر اطلاعات و نشریات و قومی میرات سینیٹر پرویز رشید پارے کہ عمران خان تینٹ امریکہ غا سفر کننگ کپک، اگہ او کاہک ہم تو ہرامون اتون امریکی تتون ہیت کیک انتئے کہ اونا پن آف شور اٹی ظاہر مسنے۔ جمعہ آ داڑے اسہ بیان اسے ٹی او پارے کہ غٹ آن اہم ہیت دادے کہ امریکی عدالت آک عمران خان ئِ اونا گناہ کبیرہ غا طلب کرینو۔ اوپارے کہ عمران خان تینا ملک انا انت خذمت ئِ کروئے و لس پاکستانی ہم عمران خان نا سوب منفی ، بے کڑد و مضحکہ خیز تصور کننگک۔ اوپارے کہ داڈول نا شرمناک عمل پیشن نا دنیا خصوصاََ امریکہ کون آ ملک اٹی قابل قبول اف۔ ہنداخاطران عمران خان آن خواست ئِ کہ او پاکستانی قوم نا نمائندگی کن امریکہ غا ہمپ انتئے کہ امریکی عدالت آک اودے پیش مننگ کن طلب کیرہ و پارہ کہ عمران خان حاضر مر، ہنداخاطران عمران خان اللہ نا خوف ئِ کے و راست پائے۔ اوپارے کہ وزیراعظم محمد نواز شریف نا پن پانامہ پیپرزاٹی اف واہم عمران خان و جہانگیر ترین تون اوار اونا سنگت آتا پن آف شور کمپنی تیٹی بسنے۔
