فرنٹیئر کور بلوچستان و حساس ادارہ غاتا ڈیرہ بگٹی ٹی کارروائی، تین پہ تینی آ سم کاری ٹی کالعدم تنظیم نا اسہ دہشت گرد اس تپاخت ، اسٹ اس ٹھپی مس وخت اس کہ سم کاری آن 2ایف سی کارندہ ٹھپی مسر، بھلو کچ اسے ٹی گولہ بارود دوئی، ترجمان ایف سی

کوئٹہ۔ 16ستمبر (اے پی پی) فرنٹیئر کور بلوچستان و حساس ادارہ غاتا ڈیرہ بگٹی ٹی کارروائی، تین پہ تینی آ سم کاری آن گڈ کالعدم تنظیم نا اسہ دہشت گرد اس تپاخت و اسٹ اس ٹھپی مس وخت اس کہ سم کاری آن 2ایف سی کارندہ ٹھپی مسر، بھلو کچ اسے ٹی اوفتا کوزہ آن گولہ بارود دوئی کریر ۔ ترجمان ایف سی نا رداٹ فرنٹیئر کور بلوچستان و حساس ادارہ غاتا ڈیرہ بگٹی نا علاقہ سوئی دورنگ نال اٹی دہشت گرد آتا برخلاف بھلو کچ اسے آ کارروائی ، سم کاری نا تبادلہ ٹی کالعدم تنظیم نا اسہ دہشت گرد اس تپاخت اسٹ اس ٹھپی مس وخت اس کہ دہشت گرد آتا سم کاری آن 2ایف سی کارندہ شدید ٹھپی مسر۔ دہشت گرد آتا ٹھکانہ غاتیان چارسد کلو گرام بارود، اسہ دیسی ساختہ آئی وی ڈی ، 3سد میٹر ڈیٹوٹنگ کارڈ، 40 میٹر فیوز کارڈو تخریب کاری مواد دوئی کریر۔ تپاخت و ٹھپی دہشت گرد آک سیکورٹی فورسز آتیا جلہو و سرکاری ماڑی تے نسخان رسیفنگ اٹی اوڑدہ ئسر۔