اسلام آباد۔ 16ستمبر (اے پی پی) جہانی اقتصادی ویل آتا چٹفنگ کن اسلامی بینکاری نا بشخ اہم کڑد ادا کننگ کیک۔ روایتی بینکاری سودی نظام نا رداٹ کاریم کننگ ئِ وخت اس کہ اسلامی بینکاری آن حلال منافع کٹیا کننگ مریک۔ اسلامی بینکاری نا بشخ انا بین الاقوامی چاہندار و ملائیشیا آن تعلق تخوک آ پروفیسر داتک پارینے کہ مسلم ملک آتیٹی اسلامک بینکنگ ترندی اٹ شون ہلنگ ئِ وخت اس کہ دیکی ملک آتیٹی ہم بلاسود بینکاری نا بشخ آ خصوصی توجوہ تننگ انگ ئِ تانکہ صارف آتے حلال منافع نا دوئی ٹی کمکاری فراوان کننگ مرے۔ اوپارے کہ بین الاقوامی معاشی ویل آتا چٹفنگ اٹی اسلامک بینکنگ نا بشخ بنداوی کڑدادا کننگ کیک دابابت بشخ انا شون و مون آ دننگ آ خصوصی توجوہ تننگ نا گرج ئِ۔
