اسلام آباد۔16ستمبر (اے پی پی) قربانی نا سہدار تا سل تا زیان آن قومی معیشت ئِ اِرا ارب روپئی نا نسخان مسنے۔ پاکستان ٹینریز ایسوسی ایشن (پی ٹی اے) نا حساب وکتاب نا رداٹ اینخو سال عید قربان نا وخت آ مچ آ ملک اٹی 12.2ملین سہدار تا قربانی کننگا وخت اس کہ مسکوہی سال 7.5ملین سہدار قربان کننگاسس۔ پی ٹی اے نا عہدیدار آک پارینو کہ نامناسب خیالداری و درجہ حرارت اٹی ودکی نا سوب اینخو سال تقریباََ 25درسد سلک زیان مسنو۔ اوپارے کہ سل و اوفتا مصنوعات آتا برآمد اٹی 26درسد نا کمتی مننگ نا سوب آن سل تا نرخ آک کم مسنو ۔ اوپارے کہ سل تا زیان نا سوب قومی معیشت ئِ اِرا ارب روپئی نا نسخان سگوئی تمانے و ہندا سال ٹینری نا ہندی صنعت تقریباََ 8.6ارب روپئی نا سل ہلکونے۔ اوپارے کہ تڑوک آ سہدار تا کچ اٹی مروک آ ودکی ملک انا اقتصادی شون نا عکاسی ئِ کیک۔
