مظفر آباد۔ 16ستمبر (اے پی پی) وزیراعظم محمد نواز شریف حریت کانفرنس نا کسرشون آتون اوڑدہی کن جمعہ آ آزاد کشمیرنا دارالحکومت مظفر آباد آ سرمس، داڑے بننگ آ آزاد کشمیرنا صدر مسعود خان ، وزیراعظم آزاد کشمیر راجہ فاروق حیدر وزیراعظم ئِ بخیر کریر، آزاد کشمیر کانود ساز اسمبلی نا اسپیکر شاہ غلام قادر و بڑزکو کمامدار آک ہم داوخت آ ساڑی ئسر۔ بنجائی وزیر اطلاعات و نشریات سینیٹر پرویز رشید ، بنجائی وزیر امور کشمیر چوہدری برجیس طاہر ، وزیراعظم نا خصوصی کمکار خارجہ امور طارق فاطمی و وزیراعظم نا خصوصی کمکار برائے سیاسی امور ڈاکٹر آصف کرمانی ہم اوڑتون اوارو۔ وزیراعظم محمد نواز شریف نیو یارک نا تینا بروک آ دورہ غان مست کشمیری کسرشون آتون اوڑدہی کننگ ئِ وخت اس کہ او اقوام متحدہ نا جنرل اسمبلی نا فورم آ کشمیر نا ویل ئِ ہرفک۔
