اسلام آباد۔ 15ستمبر (اے پی پی) بنجائی وزیر ریلوے خواجہ سعد رفیق ملتان اٹی مروک آ ٹرین حادثہ نا جاست وپاست ئِ 72گھنٹہ ٹی پورو کننگ نا پارت کرینے۔ نجی ٹی وی چینل نا رداٹ ریلوے نا وزیر خواجہ سعید رفیق تعلقدار کمامدار آتے 72گھنٹہ ٹی ٹرین نا حادثہ نا جاست وپاست ئِ پورو کننگ نا پارت کرینے، اسہ کلہو اسے ٹی او ٹرین حادثہ غا ڈکھ و افسوز نا درشانی ئِ کرینے داکان بیدس اوپارینے کہ مین لین آ گاڈی تا ہن و بر ئِ زوت بحال کننگک و جان جوڑی آن گڈ ٹھپی تے اوفتا مزل اسکان سرکننگک، پاکستان ریلوے نا چیف ایگزیکٹو آفیسر پارے کہ حادثہ ٹی تپاخت کروک آتا وارث و ٹھپی مروک آتے معاوضہ تننگک۔
