اسلام آباد۔ 15ستمبر (اے پی پی) ملتان اٹی عوام ایکسپریس و مال گاڈی ٹی ڈوک لگنگ نا نتیجہ ٹی 4بندغ تپاخت و 40 آن زیات ٹھپی مسنو۔ پی ٹی وی نا رداٹ ملتان نا علاقہ شیر شاہ ٹی شجاع آباد آ ہنوک آ ریلوے لین آ عوام ایکسپریس و مال گاڈی ٹی ڈوک لگنگ نا نتیجہ ٹی 4بندغ تپاخت وخت اس کہ 40 آن زیات ٹھپی مسنو۔ ڈی سی او نادر چٹھہ نا پاننگ ئِ کہ مال گاڈی نا کیرغ اسہ بندغ اس برسا تپاخت کرے ہراڑآ مال گاڈی سلیس و 15منٹ آن پد عوام ایکسپریس مست آن سلوک مال گاڈی تون ڈوک لگا۔ حادثہ نا سوب عوام ایکسپریس نا چار بوگی پٹری آن دڑنگسا چپی مسر و چندی مسافر بوگی تیٹی پھسائنگار ، ریسکیو کارندہ غاک گیشتر مسافر آتے کشانو ایلوفتے کشنگ نا کاریم جاری ئِ۔ حادثہ نا گواچی عوامی ایکسپریس پشاور آن کراچی آ ہناکہ ۔ ٹھپی مروک آتے نشتر ہسپتال ملتان آ گدریفنگانے ہراڑے 10 ٹھپی تا حالیت نازرک پاننگ انگ ئِ۔
