پیرس۔ 15ستمبر (اے پی پی) وزیر خزانہ، محصولات ، اقتصادی امور و نجکاری سینیٹر محمد اسحاق ڈار پیرس اٹی فرانس نا اِرا بھلو آٹو موبائل کمپنی رینالٹ و پیگوٹ نا مینو فیکچررز آتون اوڑدہی کرے۔ اوفک اودے حکومت پاکستان نا کنڈآن ساڑی ہی ٹی پڑو کروک آٹو موبائل پالیسی آن بابت معلومدار کریر ہراٹی درملکی زرکارآتے کن است خواہی ، کشش و آسراتی تخنگانے۔ وزیر خزانہ مسکوہی مسہ سال انا وخت مروک آ پاکستانی معیشت نا احیائ، معاشی سوگوی ٹی شون نا ودوک آ پت آ زورشاغا و پارے کہ ملک اٹی پوسکنا گاڈی تا بھاز خواست ئِ۔ اوپوسکنا پالیسی و ودوک آ خواست انا رداٹ فرانسیسی کمپنی تے پاکستان اٹی مینو فیکچرنگ پلانگ خلنگ نا پیش کش کرے۔ رینالٹ و پیگوٹ ہڑتوم آ کمپنی تا سینئر ایگزیکٹوز آک پاکستانی معیشت اٹی قابل ذکر گچینی نا صفت ئِ کریر و پاکستان نا آٹو موبائل بشخ اٹی زرکاری ٹی سنجیدہ است خواہی نا درشانی ئِ کریر۔ زرکاری بورڈ انا چیئرمین ، فرانس اٹی پاکستان نا سفیر و پاکستان اٹی فرانس نا سفیر ہم دااوڑدہی نا وخت آ ساڑی ئسر۔
