ایف سی نا ورناتا عزم و حوصلہ نا ستائِ کرسا اوفتے سیکورٹی ئِ پین گچین جوڑ کننگ نا پارت ، آئی جی ایف سی میجر جنرل شیرافگن نا قبائلی سرکڑدہ غاتیان تران
کوئٹہ۔ 15ستمبر (اے پی پی) آئی جی ایف سی میجر جنرل شیرافگن نا دالبندین و ڈیرہ بگٹی نا دورہ ، دورہ نا وخت آ ایف سی ورناتے تون عید ملا و قبائلی سرکڑدہ غاتیان تران ہم کرے۔ سرجم احوال آتا رداٹ آئی جی ایف سی میجر جنرل شیرافگن چارشنبے نا دے دالبندین نا دورہ ئِ کرسا ایف سی نا ورناتے تون عید ملا۔ آئی جی ایف سی ایف سی نا ورناتا عزم و حوصلہ نا ستائِ کرسا اوفتے سیکورٹی ئِ پین گچین جوڑ کننگ نا پارت کرے و پارے کہ الس نا سیکورٹی فورسز آتیا پبی پت ہی ننا سرسہبی ئِ ۔ آئی جی ایف سی پارے کہ چادر و چاردیوالی نا رکھ ئِ باوری جوڑ کننگک، اومستی پارے کہ امن و ایمنی ئِ باوری جوڑ کننگ کن غٹ وسیلہ غاتے کاریم اٹ اتینہ۔ داکان بیدس آئی جی ایف سی میجر جنرل شیرافگن ڈیرہ بگٹی نا دورہ ئِ کرے ۔ دورہ نا وخت آ قبائلی سرکڑدہ و ایف سی ورناتے تون اوڑدہی کرے۔
