اسلام آباد۔ 15ستمبر (اے پی پی) بنجائی وزیر خزانہ سینیٹر محمد اسحاق ڈار فرانسیسی صنعت کار و زرکار آتیا زورشاغانے کہ او پاکستان اٹی زرکاری کیر۔ او پیرس اٹی ایم ای ڈی ای ایف نا دود آن تران کریکہ۔ ایم ای ڈی ایف فرانس کاروباری و انٹرپرائزآ تالان فورم اسے ہرانا مچ آ فرانس اٹی 8لکھ آن زیات باسک ئُ۔ اودود آن تران کرسا پارے کہ داوخت پاکستان اٹی یورپی زرکاری کن چاگڑد بالکل صافئِ۔ اوپارے کہ پاکستان اٹی زرکاری کروک آ درملکی کمپنیک بے پناہ کٹیا دوئی کننگ ئُ۔ اوپارے کہ پاکستان اٹی درملکی زرکاری کن خصوصی پیکج درستی راستی کرفنگانے، داوڑنا پیکج ڈیہہ نا ہچ ئُ ملک اس تفننگ ئِ۔ اوپارے کہ پاکستان ڈیہہ ٹی ہندن ئُ جاگہ سیا سلوک ئِ ہرا درملکی زرکاری کن بھاز ہی پرکشش ملک اس جوڑ مسنے ۔ اوپارے کہ پاکستان داوخت شون نا شرح نمو 4.7درسد دوئی کرینے ہرا مسکوہی 8 سال آن گچین کچ ئِ ۔ اوپارے کہ پاک چین اقتصادی راہداری ڈٹ (سی پیک ) اٹی پاکستان ئِ اوغانستان و یورپ تون منسلک کننگ انگ ئِ، فرانسیسی کمپنی تے اوڑآن ہلوئی مرے۔ اوپارے کہ سیکورٹی خدشہ غاتا باوجود قطبی وزیرستان اٹی نمان زرکاری مسنے ہراخوش آئند ئِ۔ اوپارے کہ کراچی ٹی فرانس تون اوار درملکی زرکاری کن گچین وارخواہی ساڑی ئِ۔
