اسلام آباد۔ 15ستمبر (اے پی پی) سینیٹ نا قائمہ کمیٹی دفاعی پیداوار نا چیئرمین سینیٹرلیفٹیننٹ جنرل (ر) عبدالقیوم پارینے کہ آرمی چیف جنرل راحیل شریف بلاشبہ فوج انا تاریخ اٹی گچین اننگز گوازی کننگ ئِ انتئے کہ قومی سلامتی نا بابت ننے شدید چیلنجز مون تروک ئِ۔ او راولپنڈی ٹی پاک فوج انا رفقائے کار نا عید ملن پارٹی نا وخت آ ہیت و گپ کریکہ۔ قومی خبررساں ادارہ اے پی پی تون ہیت وگپ کرسا لیفٹیننٹ جنرل (ر) عبدالقیوم پارے کہ بھلا عید انا بابت اڈ تروک آ داد ود اٹی چیف آف آرمی اسٹاف جنرل راحیل شریف تون ہم اوڑدہی مسنے ہراٹی او عسکریت پسندی ئِ لتاڑنگ نا عزم انا اعادہ ئِ کرینے۔ جنرل (ر) عبدالقیوم سے شنبے آ عید انا نماز ئِ تینا باوہ پیرہ ہی آ علاقہ چکوال اٹی ادا کرے و سہب آن پیشیم اسکان چکوال نا خلقت آتون عید انا دے ملا و سنت ابراہیمی ئِ ادا کرسا قربانی آن پد او راولپنڈی آ سرمس ہراڑے پاک فوج انا رفقائے کار نا عید ملن پارٹی ٹی اوار مس۔ داوخت آ ہیت وگپ کرسا اوپارے کہ داہیت اٹی ہچ ئُ شک اس اف کہ بری فوج انا سروک جنرل راحیل شریف ہراوڑ ملکی سلامتی، مون تروک چیلنج آتا بابت کاریم کننگ ئِ او پاک فوج انا تاریخ اٹی گچین و نمان اننگز نا وڑاٹ مون آ بننگ ئِ۔
