لاہور۔ 15ستمبر (اے پی پی) وزیراعظم محمد نواز شریف سے شنبے آ بھلا عید انا نماز ئِ لاہور اٹی تینا ہنکین جاٹ جاتی عمراءرائے ونڈ اٹی ادا کرے۔ اوڑتون اوار بنجائی وزیر اطلاعات و نشریات پرویز رشید ، قومی اسمبلی نا باسک حمزہ شہباز، سلمان شہباز، وزیراعظم نا مار حسین نواز، سالم کیپٹن (ر) صفدر، ایڈیشنل اٹارنی جنرل چوہدری نصیر احمد بھٹہ ، اسمبلی نا باسک و پارٹی کارندہ غاک عید انا نماز ئِ ادا کریر۔ عید انا نماز آن پد وزیراعظم پارٹی کارندہ غاتون ملا و ہر اسٹ تون جوڑ بڑ کرے۔ داوخت آ پارٹی کارندہ غاتون غیر رسمی ہیت وگپ کرسا اوپارے کہ اللہ تعالیٰ نا فضل و کارندہ غاتا دُعا تیان جان جوڑ مسونٹ اوڑکن ای پارٹی کارندہ غاتا منت وار اُٹ۔ اوپارے کہ نن غٹ اواری اٹ پاکستان نا مست آن زیات خذمت ئِ کینہ و تینا غٹ تر توانائی تے ملکی شون و شونہالی کن کاریم اٹ اتینہ۔ وزیراعظم تون عید ملنگ کن بروک آ پارٹی ورکرز آتا شربت و چاہ و مٹھائی اٹ تواضح ئِ کننگا۔
