اسلام آباد۔13ستمبر( اے پی پی) پاکستان ، آزاد کشمیر ، گلگت بلتستان ءُ فاٹا ھوار بازیں ملک آن نندوکیں مسلمان آناں سئے شمبے ءِ روچئَ مزن ائید مذہبی شرپ ءُ عقیدت ئِ گوما گوازینگ بوتگ ۔ اسلامی جمہوریہ پاکستان ئِ دراھیں کسانیں مزنیں شہرآں، کوچگءُ دمگاں ائید ئِ نماز ئِ مزن مزنیں مُچی بوتگ اَنت، علماءکرام ئَ قربانی ئِ ارزشت ءُ جیڑھ ئَ را پدر کتگءُ وت مہ وتی ءُ ھم تپاکی ئِ درس داتگ۔ قربانی ئِ مول ءُ مراد یک دومی ئِ گم ءُ ڈُکھ ئِ تہا ھوار بوھگ ءُ بنی آدمی ئِ شرپ ئِ سرئَ عمل کنگ اِنت۔ اے موھ ئِ سرئَ وت مہ وت ئَ کستءُ کینگ ئَ را ھلاس کنگ ءُ ھم تپاکی ئِ سرئَ زور پِرداتگ تنکہ ملک، خطہ ءُ سرجمیں دگنیائَ را ناشرکاری، بیم کاری ئَ آزات کنگ ءُ دگنیائِ تہا امنءُ ایمنی جوڑ کنگ ئِ ھاترئَ کوشست پیلو بہ بنت۔ ائید ئِ مزنیں مزنیں مُچی آنی تہا ملک ءُ راج ئِ سلامتی ءُ دیم روئی ءُ وشھالی ءُ کشمیر ءُ فلسطین ئِ آزاتی ئِ ھاترئَ ھاسیں دعا لوٹگ بوتگ ءُ ناشرکاری ئِ ھلاس کنگئَ پاک فوج ئِ کوشستاناں دادءُ سلام پیش کنگ بوتگ۔ بھارت، بنگلہ دیش، نیپال ءُ بھوٹان ءُ دگہ وسطی ایشیائی ملک آں نندوکیں کروڑاں مسلمان آناں ائید ئِ نماز ونتگ ءُ سنت ابراہیمی ئِ رندگیری کتگءُ دلوت قربان کتگ۔
