اسلام آباد۔13ستمبر( اے پی پی ) مزن وزیر محمد نواز شریف ئَ راج ئَ را مزنیں ائید ئِ مراد بات داتگ ءُ گشتگ کہ مزنیں اے وشی ئِ روچانی موھ ئَ پاکستان ءُ سرجمیں دگنیا ئِ اسلا م ئِ پُھسگ ھاس کشمیری اُلس ءَ را مراد بات پیش کن ایں۔ اللہ تعالیٰ ئِ شگر ءُ منت کہ آئی ئَ یک رندے پدا اے موھ داتگ۔ من دعا کن اینت کہ شما درسانی زنداں اے وڑیں وشی مدام بیا اَتنت۔ مزن وزیر ئَ وتی وتی کلوھ ئِ تہا گشتگ کہ مزنیں حضرت ابراہیم علیہ السّلام ئِ رندگیری ءُ حضرت اسماعیل علیہ السّلام ئِ منگ ءُ رضا ئِ یات گار اِنت۔ خانوادہ ابراہیم ئَ وتی پروردگارئِ رضا کنگ ئِ ھاترئَ دراھیں سیادی ندر کتگ اَنت ءُ اے مو ھ ئِ سرئَ اللہ تعالیٰ ئِ رضا ئَ را دوست تر داتگ۔ آئی ءِ مستریں قربانی آئی ءِ بچ ئِ قربانی اِنت۔ اللہ تعالیٰ ئَ پت ءُچُک ئِ اے کرد انچو دوست بوتگ کہ ایشی ئَ را حج ئِ مناسک ئِ بھر جوڑ کتگ ءُ مسلم چاگرد ئِ ھاترءَ اے المی کتگ کہ اے دود دائم ئَ زندگ دارگ بہ بیت۔ حضرت ابراہیم ئَ وتی طرز عمل ئَ چہ دگنیائَ را اے گپ سرپد کتگ کہ قربانی وتءَ را اعلیٰ انسانی مول ءُ مراد ئِ ھاترئَ ندر کنگ ئِ نام اِنت۔ بنی آدم ئِ قربانی چاگرد ءُ راجاناں زندگ دار ایت۔ہمیں درس اِنت کہ قربانی ئِ وسیلگ ئَ دیئگ بیت۔ آئی ءَ گشتگ کہ مرچی ئِ ائید ئِ روچئَ ما کشمیری اُلس ئِ قرنانی آں شموشت نہ کن اَنت۔ کشمیر ی اُلس وتی وت وجہی ئِ حق ئِ ھاترئَ بھارتی زُلم ءُ ناھقی ئِ دیم ئَ وتی سئمی نسل قربان کتگ۔ مہ وتی اے ائید ئَ را کشمیری اُلس ئِ نمیرانیں قربانی آنی نام ئَ کن اَنت ءُ آیوکیں دراھیں ائیداں کشمیری آنی نام ئَ کن اَنت تاں ھما وھدءَ کہ کمشیری اُلس ئَ را آھانی ھق نہ رسیت ۔
