حکومت ملک ئَ چہ توان ئُُ گیس ئِ کمیگ ئَ دور کنگ ئِ واستہ دل یکیم اِنت، اقتصادی راہداری منصوبگ ئَ چہ دمگ ئِ کسمت مٹ بیت، مئے توامیں مول ئُُ مراد آنی آسر اُلس ئِ وشھالی اِنت، حکومت دیمروئی ایجنڈا آنی سر یک ئُُ دل اِنت
اسلام آباد ۔ 10 ستمبر (اے پی پی) وزیراعظم محمد نواز شریف ئَ گوشتگ کہ توان ئُُ گیس ئُُ انفراسٹرکچر ئِ منصوبگ ئِ بُنیاتی مول ئُُ مراد اُلس ئِ وشھالی کنگ اَنت، حکومت ملک ئِ اندر ئَ گیش ئِ کمیگ ئَ را دور کنگ ئِ ھاترا دل یکیم اِنت، پاک چین اقتصادی راہداری منصوبگ ئِ سر جمی ئَ ایوکئ۔ پاکستان گیم چینجر نہ بیت، بلکینگ ئَ اے پڑے توامین آنی کسمت مٹ بیت، مئے گامگیج آنی مول ئُُ مراد اُلس ئِ وشھالی اِنت۔ حکومت دیمروئی ئِ ایجنڈا آنی سر ئَ یک ئُُ دل اِنت۔ یک شمبے ئَ ایوان مزن وزیر گس ئَ سینٹ ئِ ایوان ئِ مستر راجہ ظفر الحق ئَ گوں گند ئُُ نند ئَ تران کنان ئَ آئی ئَ گوشت کہ پاور ئِ جاڑیگ ایں منصوبگ آں چہ لوڈشیڈنگ ھلاس بیت ، ملک ئَ ایمنی ئِ تہ ئَ سُہرائیں جوانی گند گ ئَ اتکگ۔ ایشی ئَ چہ ھندی ایوک ئَ نہ بلکینگ ئَ میاں اوستمانی سودگر سیت زور اَنت۔ آئی ئَ گوشت کہ ٹیکس ئِ جم کنگ ئِ تہ ئَ ھواریں رنگ ئَ گیشی اَتکگ۔ حکومت ملک ئَ چہ توان ئُُ گیش ئِ کمیگ ئَ رادور دل یکیم اِنت۔ زرکاری امبار ئِ تہ ئَ 20ارب ڈالر ئَ بُرز وداِتگ اَنت۔ مزن وزیر ئَ گوشت کہ حکومت اقتصادی دیمروئی ئِ نیمگ ئَ جوانیں گام جنگ ئَ اِنت۔ آئی ئَ گوشت کہ گیس ئِ شوبگ جوانتر بوتگ اَنت۔ میاں اوستمانی مالیاتی منڈی آنی تہ ئَ پاکستان ئِ سر ئَ بھیسہ گیش ود اِتگ۔ مئے توامیں گامگیج آنی مول ئُُ مراد اُلس ئِ وشھالی اِنت۔ آئی ئَ گوشت کہ روزگار ئِ در آنی تہ ئَ گیش بوھگ ئَ اِنت ایشی ئَ چہ بزگری ئِ ھلاسی ئَ کمک رسیت۔ اے موہ ئِ سر ئَ راجہ ظفر الحق ئَ مزن وزیر محمد نواز شریف ئِ جوانیں رھشونی ئَ را داد دیان ئَ گوشت کہ مزن وزیر ئِ جوانیں گامگیج ملک ئَ را جیڈھ ئُُ جنجال آں چہ در کنت۔
