اسلام آباد۔ 09 ستمبر (اے پی پی) مسکوہی وزیر داخلہ رحمان ملک پارینے کہ کراچی ٹی اولیکو وار خوف و ٹھپہ غان بیدس اصلی گچین کاریک مسر تو سرسہبی پیپلزپارٹی نا مقدر جوڑ مس۔ اوجمعہ آ پارلیمنٹ ہاﺅس نا پیشن میڈیا تون ہیت وگپ کرسا داخیال آتا درشانی ئِ کرے۔ رحمان ملک پارے کہ ملک نازرک دور آن گدرینگ انگ ئِ ، دہشت گردی نا چٹفنگ کن فوج و سیکورٹی ادارہ غاتا قربانیک بے مثال ئُ۔ غٹ سیاسی واک آتے زمہ واری نا مظاہرہ کرسا دہشت گردی کون آ چیلنج آتا مقابلہ ئِ کروئی مرے۔ اسہ سوج اسے نا ورندی ٹی اوپارے کہ کراچی نا ضمنی گچین کاری تیٹی خوف و ٹھپہ غاتا روایت آن اسہ پلو مرسا آزادانہ گچین کاریک مسنو و سرسہبی پیپلزپارٹی نا مقدر جوڑ مسنے۔ نن تو درسراسے آن پارینہ کہ شفاف گچین کاریک مریر تو اصل مینڈیٹ نا معلوم مریک۔ اوپارے کہ بلاول بھٹو ناہیت اٹی راستکی ئِ۔ اوسہی پارے کہ کراچی بھٹو نا ئِ۔ اوپارے کہ آصف زرداری نا طبیعت ہندن کہ گچین مریک پاکستان آ بریک۔
