اسلام آباد۔ 09 ستمبر (اے پی پی) عوامی نیشنل پارٹی نا پارلیمانی کسرشون حاجی غلام احمد بلور پارینے کہ فاٹا ئِ خیبر پختونخواٹی ضم کننگ نا کاریم اٹ ہرے کننگپ۔ بروک آ لس گچین کاری تیان مست دا کاریم ئِ پورو کننگے تانکہ اونا کریڈٹ ہم ساڑی حکومت ئِ ملے۔ جمعہ آ قومی اسمبلی نا دیوان اٹی فاٹا نا بابت پیش کروک آ اصلاحات کمیٹی نا رپورٹ آ خیال آتا درشانی ئِ کرسا حاجی غلام احمد بلور فاٹا نا بابت گام گیج آتیا حکومت تون اوار مچ آ قوم ئِ مبارکباد پیش کرے و پارے کہ اوٹی ہرے کننگپ انتئے کہ گڑاس واک آک داخواپسہ۔ نن خوانہ کہ صوبائی اسمبلی ٹی ہم قبائلی تے نمائندگی ملے۔ دا حکومت نا جوان ئُ کاریم اسے۔ داکاریم بروک آ لس گچین کاری تیان مست مہالو پورو کننگے۔
