اسلام آباد۔ 09 ستمبر (اے پی پی) سینیٹ ئِ پاننگانے کہ 2013ءآن پد ملک اٹی نشہ آور دوائی تا کاریم اٹ اتنگ نا بابت ہچ ئُ سروے اس کننگ تنے۔ جمعہ آ ایوان بالا ٹی وقفہ سوج آتا وخت آ وزارت داخلہ نا کنڈآن نوشتہی ورندی ٹی دیوان ئِ پاننگاکہ یو این او ڈی سی آن خواست کننگانے کہ دوائی تا کاریم اتوک آتیان بابت تازہ سروے اسینا بنائِ کننگے۔ داڑآن بیدس کانود برائے انسداد منشیات ایکٹ 1997ءنا رداٹ ہم ہر صوبائی حکومت تینا تعلقدار دنگ اٹی منشیات آتا کاریم اٹ اتوک آتا درمان و بحالی نا مقصد کن اوفتا رجسٹریشن نا پابند ئِ۔
