اسلام آباد۔ 09 ستمبر (اے پی پی) وزیر مملکت داخلہ بلیغ الرحمان پارینے کہ وزیراعظم اسلام آباد نا خلقی آ علاقہ غاتیٹی بنداوی جان جوڑی نا بنجاتا حالیت آتے جوڑ کننگ کن پنچ کروڑ 86لکھ روپئی آن زیات نا منظوری ئِ تسنے، ڈاکٹرز آتا تعیناتی ئِ ہم باوری جوڑ کننگک۔ جمعہ آ ایوان بالا ٹی وقفہ سوج آتا وخت آ سید طاہر حسین مشہدی ، عثمان کاکڑ، ڈاکٹر بابر اعوان نا سوج آتا ورندی ٹی وزیر مملکت داخلہ بلیغ الرحمان ایوان ئِ پارے کہ وزیراعظم اسلام آباد نا خلقی آ علاقہ غاتیٹی جان جوڑی نا بنجاتا حالیت ئِ گچین جوڑ کننگ کن پنچ کروڑ 86لکھ روپئی آن زیات نا منظوری ئِ تسنے۔ پولی کلینک ہسپتال نا پوسٹ گریجویٹ ڈاکٹرز آتے بنداوی بنجاجان جوڑی ٹی تعینات کننگ انگ ئِ۔ اوپارے کہ دا بنداوی جان جوڑی نا پنجاتیا 1999ءآن گڈ ہچ ئُ توجوہ اس تننگ تنے۔ مہالو ڈاکٹرز آک ساڑی ہلورہ داسا حکومت اونا نوٹسئِ ہلکونے ۔ پوسکنو ڈاکٹر ہم بھرتی کننگ انگ ئِ۔ اوپارے کہ دا جان جوڑی نا بنجاءتیٹی کاریم کروک آ ڈاکٹرزآتے پک اینڈ ڈراپ کن گاڈی ہم تننگ انگ ئِ۔ اسہ سال اٹی دا جان جوڑی نا بنجاتا حالیت گچین مریک۔ اوپارے کہ اسلام آباد نا شاری علاقہ غاتا ہسپتال آتا بست و بند وزارت کیڈ و خلقی علاقہ غاتا بنداوی جان جوڑی نا بنجاو جان جوڑی نا خلقی بنجاتا بست و بند وزارت داخلہ نا رداٹ ئِ۔
