اسلام آباد۔ 08 ستمبر (اے پی پی) تہی کارانی وزیر چوہدری نثار علی خان ئَ گوں کویت ئَ نندوکیں پاکستان ئِ سفیر ئَ غلام دستگیر ئَ گند ئُُ نند کتگ۔ اے گند ئُُ نند ئِ تہ ئَ دو نیمگی جاور ئُُ جیڈھ آنی سر ئَ دو نیمگی کمکی ئِ سر ئَ گپ ئُُ تران کنگ بوت۔ پنچ شمبے ئِ روچ ئَ تہی کارانی وزیر ئِ ترجمان ئَ گوشت کہ تہی کارانی وزیر ئَ سفیر ئَ را ہدایت کتگ کہ کویت ئِ ننددوکیں پاکستانی ملک ئِ مڈی اَنت ، آوننی جیڈھ آنی گیواری ئِ سر ئَ ھاسیں دلگوشی الم دیگ بہ بیت۔ گند ئُُ نند ئِ تہ ئَ پاکستان ئُُ کویت ئِ نیام ئَ سرکاری ئُُ سفارتی پاسپورٹ آنی سر سئَ ویزا ئِ رسگ ئِ بابت ئَ دو نیمگی منوگری ئِ سر ئَ گپ ئُُ تران ھم کنگ بوت، تہی کارانی وزیر ئَ گوشت کہ پاکستان کویت ئِ گوما یکوئی ئَ را سک باز شرپ دنت ، پدا ھم دو نیمگی تپاکی ھما ساھت ئَ مھکم بیلت کہ ھما ساھت ئَ دوئیں نیمگ ئَ عمل جاڑی دارگ بہ بیت۔ ترجمان ئِ رد ئَ گند ئُُ نند ئِ تہ ئَ پاکستانی آنی واستہ کویتی ویزا ئِ کشگ ئُُ آواناں روزگار ئِ دیگ ئِ بابت ئَ گیش موہ پیداک کنگ ئِ کوشست کنگ ئِ سر ئَ ھم تران کنگ بوت۔
