اسلام آباد۔ 08 ستمبر(اے پی پی) بنجائی وزیر داخلہ چوہدری نثارعلی خان نا حکم آ فیڈرل انوسٹی گیشن ایجنسی (ایف آئی اے) درملکی تے شناختی کارڈ نا اجراءٹی اوار اِرا نادرا کارندہ غاتے دزگیر کرے۔ محمد کامران و راﺅ محمد وسیم ئِ کراچی و اسلام آباد آن دزگیر کننگا۔ ترجمان وزارت داخلہ نا رداٹ بنجائی وزیر داخلہ چوہدری نثارعلی خان نا پارت آتیا ایف آئی اے درملکی تے قومی شناختی کارڈ جاری کننگ نا برخلاف مچ آملک اٹی کریک ڈاﺅن نا بنائِ کرینے۔ ترجمان نا رداٹ محمد کامران و راﺅ محمد وسیم نا پیدواری ہم ہندا مہم نا وخت آ مس۔ محمد کامران کراچی نا ہنکینی و 2003آن نادراملازم ئس۔ راﺅ محمد وسیم 2004 آن نادرا ٹی ملازم ئِ و چوہڑ چوک راولپنڈی ٹی تعینات ئس۔ بنجائی وزیر داخلہ چوہدری نثارعلی خان پارے کہ درملکی تے پاکستانی شناخت تروک آ و ملکی سلامتی ئِ داﺅ آ خلوک آک ہچ ئُ رعایت اسے نا حقدار افس۔ اونادرا کمادار آتے جعلی شناختی کارڈ ز انا اجراٹی اوڑدہ عنصر آتا برخلاف کارروائی ئِ ترند کننگ نا پارت کرینے۔

متعلقہ مضامینمصنف کی طرف سے مزید