اسلام آباد۔ 07 ستمبر (اے پی پی) کراچی نا علاقہ ٹی سپر ہائی وے آ تیل انا ٹینکی اسے ٹی خاخر لگنگ نا نتیجہ ٹی 2 بندغ تپاخت و 6گاڈی ہشنگسا بھس مسر۔ نجی ٹیلی ویژن نا رداٹ کراچی آن حیدر آباد آ ہنوک آ تیل انا ٹینکی ڈی ایچ اے نا خڑک آ سپر ہائی وے آ چپی مس ہراڑآن اونا پد اٹ بروک آ گاڈی تا ڈوک لگنگ آن خاخر لگا و اسہ مالبردار ٹرک اسے پر 5گاڈی تے ہم خاخر لگا۔ حادثہ نا نتیجہ ٹی 2بندغ موقع غا تپاخت کریر۔ خاخر لگنگ نا سوب کراچی آ ہنوک و بروک ٹریفک ہم عارضی وڑاٹ بند مس۔ کمامدارآتارداٹ ریسکیو و فائر بریگیڈ نا عملہ خاخر نا مون ئِ توننگ کن جاگہ نا کنڈا رادہ کننگانے۔
