اسلام آباد۔ 07 ستمبر (اے پی پی) وزارت کانود پارینے کہ مشتہر کروک آ آسامی تا مقابلہ ٹی زیات تقرری کننگ آ ڈپٹی سیکرٹری ایڈمن چیئرمین سلیکشن کمیٹی نا برخلاف قواعد نا رداٹ انضباطی کارروائی نا سفارش کننگانے واہم ودکی بھرتی کروک آ ملازم آتے باقاعدہ جوڑ کننگ نا سمری وزیراعظم ئِ راہی کننگ انگ ئِ۔ چارشنبے آ قومی اسمبلی ٹی وقفہ سوج آتا وخت آ وزارت کانود نا کنڈآن قومی اسمبلی ئِ پاننگانے کہ وزارت اٹی 22 جتا آسامی وزیراعظم نامنظوری آن مشتہر کننگاسس۔ اشتہار اٹی آسامی تیٹی کمی و بیشی نا وضاحت ہم اوار ئس ہرانا بنداو آ ڈپٹی سیکرٹری ایڈمن ہرا محکمانہ سلیکشن کمیٹی نا چیئرمین ئس، 74اومیت دار آتے بھرتی کرے۔ حق آتے اُننگ کن اونا انکوائری ئِ کرفنگا و چیئرمین ئِ زیات بھرتی کننگ اٹی بنجائی زمہ دار کننگا۔ ہرانا خذمت 17 اگست آ پدی عملہ ڈویژن نا حوالہ کرسا اونا برخلاف ای این ڈی قواعد 1973ءنا رداٹ انضباطی کارروائی نا سفارش کننگانے۔
