اسلام آباد۔ 07 ستمبر (اے پی پی) وزارت کانود نا کنڈآن قومی اسمبلی ئِ پاننگانے کہ ساڑی آ دورحکومت اٹی 21صدارتی احکامات جاری کننگا، مسکوہی پنچ سال انا وخت فیڈرل سروس ٹریبونل اٹی 4ہزار 894مقدمہ زیر التواءئُ۔ چارشنبے آ قومی اسمبلی ٹی وقفہ سوج آتا وخت آ ثریا جتوئی نا سوج انا ورندی ٹی وزیر کانود زاہد حامد پارے کہ ساڑی آ حکومت نا وخت آ 21صدارتی احکامات بس۔ سپریم کورٹ یا ہائی کورٹ نا جج آتا تنخواہ و پنشن نا بابت احکامات شیڈول 5نا رداٹ جاری کننگک۔ ایوان ئِ پاننگاکہ فیڈرل سروس ٹریبونلز سرکاری ملازم آتے دمدستی انصاف تننگ و مقدمہ غاتے زوت چٹفنگ کن پرعزم ئِ۔ اگست نا تواٹی تعطیلات آتا باوجود اسلام آباد، لاہور و کراچی ٹی ٹربیونل نا بنچز کاریم کرسا کریر۔
