اسلام آباد۔ 07 ستمبر (اے پی پی) بنجائی وزیر پٹرولیم و قدرتی وسیلہ شاہد خاقان عباسی پارینے کہ حکومت پالیسی اس اختیار کرینے کہ ہرا گچین مروک آ باسک شونداری اسکیم تروئے افتتاح ئِ ہم ہمو کیک۔ چارشنبے آ قومی اسمبلی ٹی وقفہ سوج آتا وخت آ صاحبزادہ یعقوب خان نا سوج انا ورندی ٹی شاہد خاقان عباسی پارے کہ این اے 34ٹی 2008ءآن2014ءاسکان گیس انا فراوانی آ کل 66کروڑ 41لکھ روپئی خڑچ کننگانے۔ داڑے گیس فراوانی کن ہراگچین مروک بندغ فنڈ تسنے افتتاح ئِ ہم ہمودے کروئی مرے واہم اونا فائدہ الس علاقہ ئِ ہی مریک۔ اوپارے کہ آﺅٹ آف ٹرن کنکشن 25ہزار روپئی ٹی ارجنٹ فیس اتون لگک۔ پوسکنا آبادی تے کن 100 کنکشن ودکی تخانن داسااوفتے 200 کننگ اُن۔ نن پالیسی اس جوڑ کرینن کہ ہرا ایم این اے یا سینیٹر یا گچین مروک آ نمائندہ فنڈ ایتک ہمو افتتاح ئِ تے کیک۔ اگہ جاگہ اس اسکیم اس بدل مسنے معلومدار کننگے کارروائی کینہ۔
