اسلام آباد۔ 07ستمبر (اے پی پی) بنجائی وزیر پارلیمانی امور شیخ آفتاب احمد ایوان ئِ پارینے کہ موٹرویز آ حادثہ غاتا وخت آ فرسٹ ایڈ نا آسراتی کن 1122تون اواری اٹ کاریم کننگ آ غور کننگ اُن، اسلام آباد ٹول پلازہ ئِ ساڑی آ جاگہ غان ہرفنگ پوسکنا ایئر پورٹ نا سوب آن مشکل ئِ انتئے کہ ایئرپورٹ کن وی آئی پی ہن و بر نا سوب آن ایئر پورٹ آ ہنوک آ کسر اٹی ٹول پلاز جوڑ مننگ کپک واہم الس نا آسراتی کن اوٹی آسانی ودی کینہ۔ چارشنبے آ قومی اسمبلی ٹی وقفہ سوج آتا وخت آ وسیم اختر شیخ نا سوج انا ورندی ٹی شیخ آفتاب احمد پارے کہ نیشنل ہائی وے و موٹر ویز آ ہفت فرسٹ ایڈ سنٹرز کاریمی ئُ، موٹرویز و ہائی وے آ حادثہ غاتا دروشم اٹ دمدستی وڑاٹ فرسٹ ایڈ نا آسراتی نا فراوانی کن 1122تون اواری اٹ ریلیف آ ہم غور کننگ اُن۔ علی محمد خان نا سوج انا ورندی ٹی اوپارے کہ اسلام آباد ٹول پلازہ مین شاہراہ غا ہننگ نا سوب آن مشکلات ئِ واہم پوسکنا ایئر پورٹ نا سوب دا پدی بننگ کپک۔ دا مشکلات آتا ازالہ ئِ کینہ۔ اونا انٹری گیٹ آتے ودفینہ۔ اوپارے کہ اوپن آکشن آن گڈ ٹول پلاز نا ٹھیکہ تننگک۔ کراچی حیدر آباد موٹروے بی او ٹی بنداو آتیا جوڑ مننگ ئِ۔ عید آن پد داجاگہ نا دورہ ئِ کینہ۔ چیئرمین این ایچ اے دابارواٹی کیس انت مسنے۔ سلیم الرحمان نا سوج انا ورندی ٹی شیخ آفتاب احمد پارے کہ مسکوہی پنچ سال انا وخت آ این 9 الپوری بشام روڈ نا 32کلومیٹر بشخ بھلو حد اسسکان پورو کننگانے۔ این 95 پانزدہ ئُ نیم کلو میٹر فتح پور بحرین روڈ انا بشخ جوڑ جاڑ کننگانے۔ مسکوہی پنچ سال انا وخت 47 کلومیٹر آن زیات سڑک آتے جوڑ جاڑ کننگا۔
