اسلام آباد۔ 06 ستمبر (اے پی پی) وزیر مملکت آپ ئُُ توان عابد شیر علی ئَ گوشتگ کہ 2018ئَ ملک کوراسی ئَ چہ در کپیت ، اے کوراسی مُدام ایگیں واستہ ھلاس کنگ بنت۔ 6ستمبر شہدانی ، غازی آنی ئُُ پاکتان ئِ روچ اِنت، عمران خان ئَ را نواز شریف ئِ فوبیا اِنت، آئی اگل ئُُ ھوش پھک شتگ اَنت۔ سئے شمبے ئَ پارلیمنٹ گس ئِ ڈن ئَ ھال در آں گوں تران کنان ئَ آئی ئَ گوشت کہ مزن وزیر محمد نواز شریف ئِ پاگواجئی ئَ ملکی دیمروئی ئُُ وشھالی آنی ایجنڈا جوانیں رنگے ئَ دیم ئَ جُنزگ ئَ اَنت۔ مزن وزیر ئِ ھاسیں دلگوشی ئِ سبب ئَ ملک ئِ اندر ئَ لوڈشیڈنگ ئِ ھلاسی ئِ ھاترا ٹوھیں توھیں منصوبگ آنی سر ئَ کار جاڑی اِنت۔ 2018ئَ نیشنل گرڈ ئَ مزنیں کساس ئَ توان جوڑ بوھگ ھوار اِنت ایشی ئَ چہ ملک ئَ مُدامیگیں واستہ کوراسی ھلاس کنگ بنت۔
