اسلام آباد۔ 06 ستمبر (اے پی پی) پاکستان مسلم لیگ (ن) ئِ سینیٹر غوث محمد نیازی ئَ گوشت کہ پاکستان زوت دُگنیائِ دیم ئَ مزنیں معاشی زورکے ئِ رنگ ئَ سُہرا بیت۔ ریڈیو پاکستان ئَ گوں تران کنان ئَ آئی ئَ گوشت کہ پاکستان مسلم لیگ ئِ حکومت سیٹ ئِ سر ئَ نندگ انچو کہ نشتگ ، ھمے ساھت ئَ ملک ئِ جاور سک ھراب بوتگ اَنت، یک نیمگ ئِ ناشرکاری یے آس ، دومی نیمگ ئَ لوڈشیڈنگ ، سیمی نیمگ ئَ معاشی جاور آنی ھرابی ، چارمی نیمگ ئَ شتل ئُُ ڈنگی ئے، حکومت ئَ وتی زانت کاری ئُُ کلانئی ئَ جوانیں گامگیج اے پڑ آنی تہ ئَ چست کُت ئُُ جیڈھ آناں مزنیں کساسے ئَ گر ئُُ دار کُت۔ اَستیں وھد ئَ لوڈشیڈنگ ئَ را 90درسد گر ئُُ دار کنگ بوتگ۔ غوث محمد نیازی ئَ گوشت کہ حکومت ئِ جوانی ئِ سبب ئَ ڈنی سرمایہ کار پاکستان ئِ نیمگ ئَ دلگوشی دیگ ئَ اَنت۔ زوت پاکستان دُگنیا ئِ دیم ئَ مزنیں معاشی زورکے ئِ رنگ ئَ سُہرا بیت۔