بُنجاھی وزیر ئَ را بینک ئِ کنٹری آپریشن بزنس پلان، نیامی ایشیائی دمگ اقتصادی کمک، ڈیزاسٹرمینجمنٹ فنڈ ئِ برجائی ئِ سر ئَ دیمروئی ئُُ آیوکیں دیوان ئَ پہ تیاری ئِ بابت ئَ بریفنگ
اسلام آباد۔ 06 ستمبر (اے پی پی) بُنجاھی ھزانگ ئِ وزیر اسحاق ڈار ئَ گوں ایشیائی دیمروئی بینک ئِ کنٹری ڈائریکٹر ورنر لیپیک ئَ سئے شمبے ئَ وزارت ئِ ھزانگ ئَ گند ئُُ نند کُت۔ آئی ئَ بُنجاھی وزیر ئَ را ایشیائی دیمروئی بینک ئِ کنٹری آپریشن بزنس پلان، نیامی ایشیائی دمگی اقتصادی کمک، ڈیزاسٹر مینجمنٹ فنڈ ئِ برجائی ئِ سر ئَ دیمروئی ئُُ آیوکیں دیوان ئَ پہ تیاری ئِ بابت سئیگ کُت۔ آئی ئَ لگوشت کہ کنٹری آپریشن بزنس پلان 2017تاں 2019ئَ سرجم بیت، ایشی ئِ تہئَ آیوکیں سئے سال آنی واستہ ھرچ ئُُ درچ آنی نامینگ ئُُ پائپ لائن منصوبگ ھوار بنت۔ منصوبگ آنی ھاترا یکجاھی ھرچ ئُُ درچ ئِ حجم 5ارب 91لکھ ڈالر اِنت۔ اے منصوبگ ئِ تہ ئ۔ پاور ، ٹرانسپورٹ، ڈیزاسٹر مینجمنٹ، واٹر اینڈ اربن سروسز، کشت ئُُ کشاری ئُُ انفراسٹرکچر فنانسنگ ئِ شوبگ ھوار اَنت۔
