اسلام آباد۔ 06ستمبر (اے پی پی) بنجائی وزیر خزانہ سینیٹر محمد اسحاق ڈارتون ایشیائی شونداری بینک انا کنٹری ڈائریکٹر ورنر لیپیک سے شنبے آ وزارت خزانہ ٹی اوڑدہی کرے۔ اوبنجائی وزیر ئِ ایشیائی شونداری بینک انا کنٹری آپریشن بزنس پلان، نیامی ایشیائی علاقائی اقتصادی کمکاری، ڈیزاسٹر مینجمنٹ فنڈ انا اڈ تننگ آ پیش رفت و بروک آ دیوان نا تیاری تا بارواٹی معلومدار کرے۔ اوپارے کہ کنٹری آپریشن بزنس پلان 2017ءآن 2019ءآ محیط مریک ہراٹی بروک آ مسہ سال اکن وسیلہ جتاو پیپ لین ڈٹ اوار مریرہ۔ ڈٹ اکن جتا کروک جمی زر انا کچ 5ارب 91لکھ ڈالر ئِ۔ داڈٹ اٹی توانائی، ٹرانسپورٹ ، ڈیزاسٹر مینجمنٹ ، واٹر اینڈ اربن سروسز، کشت و کشار و انفراسٹرکچر فنانسنگ نا بشخ آک اوارو۔ ڈٹ آن بنجائ، صوبہ، آزاد جموں و کشمیر، فاٹا و گلگت بلتستان مستفید مریرہ۔ ہنداوڑ نیامی ایشیائی علاقائی اقتصادی کمکاری نا مقصد رابطہ کاری ئِ ودفنگ نا ئِ۔ دا چرجوئی ٹی سی اے آر ای سی ملک آتا نمائندہ و شریدار آتا دیوان اکتوبر 2016ءٹی اسلام آباد اٹی مریک۔ داوخت آ بنجائی وزیر خزانہ ئِ نیشنل ڈیزاسٹر رسک مینجمنٹ فنڈ انا بارواٹی ہم بریفنگ تننگا و پاننگاکہ دا فنڈ انا انتظام ئِ شریدار آتا وسیع بنداو جنرل باڈی نا کمک اٹ چلیفنگک۔ دا مقصد کن فنڈنگ ایشیائی شونداری بینک انا کنڈآن سالانہ 250 ملین ڈالر نا چار قسط آتا ذریعہ مریک۔ داکان بیدس آسٹریلیا، بیلجیئم، ناروے و جاپان ہم اومیتی ڈونرز اٹی اوارو۔ وزیر خزانہ ایشیائی شونداری بینک انا پاکستان نا شونداری پارٹنر نا حیثیت آن کڑد انا ستا و پیش کروک ڈٹ آتا خدوخال آ است جمی نا درشانی ئِ کرے۔ ایشیائی شونداری بینک و وزارت خزانہ نا سینئر کمامدار آک ہم داوخت آ ساڑی ئسر۔
