پاک فوج انا ملک آن دہشت گردی نا چٹفنگ آن پد گوازی تا بحالی کن کروک آ گام گیج آتے ہمیش کن یات تخنگک، جان شیر خان

اسلام آباد۔ 06ستمبر (اے پی پی) 8 سال ورلڈ اوپن ٹائٹل کٹوک آ مایہ ناز جہانی چیمپیئن جان شیر خان پارینے کہ پاک فوج انا ملک آن دہشت گردی نا چٹفنگ آن پد گوازی تا بحالی کن ہراگام گیج آتے کرے اوفتے ہمیش یات تخنگک۔ ڈیفنس ڈے نا وخت آ جان شیر خان تینا کلہو اٹی پارے کہ پاکستان اسہ اسلامی ئُ ریاست اسے ہرا تاحیات قائم و دائم سلک۔ دا ملک انا رکھ اکن و دژمن تے منہ توڑ ورندی تننگ کن ننا سلہہ بند فوج ہرابے مثل قربانی تسنے او فتے ہمیش یات تخنگک وقوم اونا قربانی تے اصل گیرام کپک۔ ننا فوج ہی دا ملک آن دہشت گردی ئِ چٹفینے۔6سال برٹش اوپن چیمپیئن جان شیر خان مستی پارے کہ کنے کنا دا دوست انگا ملک آن بے پناہ پیار و مابت ملانے و تینا الس نا دا مہر انا ہی بدولت ای تینا و تینا ملک انا پن ئِ دنیا ٹی روشن کننگ اٹی سرسہب مسونٹ۔ کنا ہر کٹنگ نا پداٹ قوم انا دعاک ئسر ہرافتا بدولت اینو ای دا ہند آ ساڑی اُٹ و سکواش نا پٹ اٹی 10 سال اسکان مچ آ دنیا ٹی تینا پیارا انگا ملک پاکستان نا سوز ہلال بیرک نا کاٹم ئِ بڑزا تخنگ اٹی سرسہب مسونٹ۔