وزیراعظم محمد نواز شریف ایوان وزیراعظم بننگ آ بنجائی درگہ غا جم و جوش اٹ خیر مقد م کرے
سلہہ بند فوج انا چاق و چوبنددستہ صدر ئِ سلامی تس و گارڈ آف آنر پیش کننگا
اسلام آباد۔ 06ستمبر (اے پی پی) سینیگال نا صدر میکی سال انا اعزاز اٹی سے شنبے آ ایوان وزیراعظم اٹی استقبالیہ دود اس اڈ ہلک۔ وزیراعظم محمد نواز شریف ایوان وزیراعظم بننگ آ اونا بنجائی درگہ غا جم و جوش اٹ خیرمقدم ئِ کرے۔ داوخت آ سلہہ بند فوج انا چاق و چوبند دستہ صدر ئِ سلامی تس و گارڈ آف آنر پیش کرے۔ پاکستان و سینیگال نا قومی ترانہ ئِ خلنگا وخت اس کہ سینیگال نا صدر تینا ڈل انا باسک آتے وزیراعظم تون درستی راستی کرفے۔ داکان مست سینیگال نا صدر میکی سال سہب انا اِرادے ئی سرکاری دورہ غا پاکستان آ سرمس تو وزیراعظم محمد نواز شریف نورخان ایئربیس آ اونا جم و جوش اٹ خیرمقدم ئِ کرے۔ قومی لویس اٹی ملبوس چناک شرفمند آ مہمان ئِ پھل آتا دستہ اس پیش کریر ۔ سینیگال نا صدر دورہ نا وخت آ پاکستان و سینیگال نا نیام اٹ کمکاری نا پوسکنا گمان آتے پٹنگ کن ہیت و گپ کیرہ۔ او کیہی بشخ آتیٹی ہڑتوم آ کنڈآتا کمکاری ئِ پین سوگو جوڑ کننگ کن مفاہمتی یات داشت آتیا ہم دستخط کیرہ۔ وزیراعظم نا سلاہکار امور خارجہ سرتاج عزیز ہم شرفمند آ مہمان تا بخیر کن ایئر پورٹ آ ساڑی ئس۔
