کراچی۔ 5 ستمبر (اے پی پی) بُنجاھی وزیر ھزانگ اسحاق ڈار ئَ گوشتگ کہ اسلامی بینکاری ئِ دیمروئی ئِ ھاترا دلیکیمی ئَ گوں گامگیج چست کنگ ئَ اِنت۔ معیشت ئَ را مھکم کنگ ئِ ھاترا اپوزیشن مئے کمک ئَ بہ کنت۔ اے ھیالانی درشانی آئی ئَ دو شمبے ئَ ورلڈ اسلامک فنانس فورم ئِ چیردستی ئَ برجم داشتگیں دیوان ئَ گشتانک دیان ئَ کُت اَنت۔ آئی ئَ گوشت کہ وزیری ئِ سیٹ ئَ آیگ ئَ پد اسٹیٹ بینک ئَ را ہدایت کتگ کہ ملک ئَ اسلامی بینکاری ئَ را دیمروئی بہ دنت ئُُ ایش جوانی ئَ دیم ئَ بہ جُنز ایت۔ آئی ئَ گوشت کہ منی گوما مزن وزیر ئِ ھم ھمے واھشت اِنت کہ ملک ئِ اند ر ئَ اسلامی بینکاری دیمروئی بہ کنت ۔ اے ھوالگ ئَ یک کمیٹی ئِ جوڑ کنگ بوتگ ، ایشی ئَ اسلامک بینکنگ ئِ سرجمی ئَ چار تپاسی گپتگ۔ اسحا± ڈار ئَ گوشت کہ اسلامک بینکنگ ئِ دیمروئی ئِ ھاترا انوگ ئَ تاں 3اسلامک سینٹر فار ایلسیلینس جوڑ کنگ بوتگ۔ آئی ئَ گوشت کہ مئے نیک راھی ھم اسلامی رپک آنی رد ئَ تجارت ئُُ سرمایہ کاری کنگ ئِ سبک ئَ دنت ایشی ئَ چہ بیاج ئِ نظام ئِ ھلاسی بیت۔
