لاہور۔5 ستمبر(اے پی پی ) اٹارنی جنرل آف پاکستان اشترو اوصاف علی خان ئَ گوشتگ نیشنل ایکشن پلان ئِ سر ئَ سرجمی ئَ کار کنگ ئِ کانود آنی تہ ئَ استیں چاگرد آناں دور کنگ بہ بیت۔ اے رد ئَ نیامی صوبگ آنی نیام ئَ یکوئی پیداک کنگ ئِ ھاترا توامیں رنگے گامگیج جاڑی دارگ بنت۔ نیشنل ایکشن پلان یک روچ ئُُ یک سال ئے نام نہ اِنت، بلکینگ ئَ ایش یک دراج بُریں سپر اِت، ایش ملک ئِ تہ ئَ ناشرکاری ئِ ھلاسی ئَ جاڑی دارگ بیت۔ آ دو شمبے ئَ ایڈوکیٹ جنرل پنجاپ لاہور کارگس ئَ نیشنل ایکشن پلان ئِ ھوالگ ئَ ھاسیں دیوان ئَ چہ پد” اے پی پی “ ئَ گوں تران کنان اَت۔ اشترو اوصاف علی ئَ گوشت کہ ناشرکاری ئِ کیس آنی تہ ئَ ملزم آناں سزا دیگ ئِ واستہ کیس آنی زوت زوت ئَ پیشی جنگ بوھگ ئَ اِنت۔ جج ، پراسکیوٹر ئُُ گواھ آنی سرجمی ئَ پاسبانی کنگ بیت ، اے وڑ ئَ کہ ناشرکای ئِ گر ئُ دار ئِ کانود آنی سیادی گوں بُنجاھی حکومت ئَ اِنت گوں۔ ناشرکاری ئِ کیس آنی ھوالگ ئَ استیں ٹرائل کورٹس ئُُ کانود ئِ تہ ئَ ھرچ مٹ ئُُ بدلی یے ضلورت بیت کنگ بیت ئُُ کانود مھکم کنگ بیت۔ اٹارنی جنرل ئَ گوشت کہ سپریم کورٹ ئِ تہ ئَ گوشداری کیس آنی تہ ئَ ملزم آنی زمانت آنی واپسی ئُُ حکم مھتلی ئِ در کنگ بابت ئَ توامیں گامگیج زورگ بنت۔
