اسلام آباد۔ 05ستمبر (اے پی پی) پنی جاچکار شاہد امین پارینے کہ اِرا جماعت آن بیدس ایلو سیاسی جماعت آک خوارہ کہ ساڑی آ حکومت تینا دور اقتدار ئِ پورو کے و انتقال اقتدار پرامن و جمہوری وڑاٹ مرے۔ ریڈیو پاکستان تون ہیت وگپ کرسا اوپارے کہ وزیراعظم محمد نواز شریف ئِ تینا ٹیم و الس آ پبی پت ئِ و او خوارہ کہ شون نا سفر برجاءسلے وخت اس کہ ایلو کنڈا ہمو بندغ آک ہرافتے ملکی شون ہضم کپروک آ جھنجھلاہٹ نا گواچی ئُ و او منفی سیاست کننگ ئُ اوپارے کہ ساڑی حکومت نا کارکڑد ئِ اُننگے تو بھکی، بلوکی ، حویلیاں پروجیکٹس، چشمہ تھری ، نیو کلیئر فور، گڈ وگیس پروجیکٹس ، نندی پور و ساہیوال کول ہندن ئُ ڈٹ ئُ ہرافتا بھرم آک بروک آ دے تیٹی نظر بریرہ۔ اوپارے کہ ساڑی آ حکومت ہراتم اقتدار ئِ سنبھالا سس تو ملک لوڈشیڈنگ اٹی تموک ئس واہم دا سا حالیت آک بدل مسنو۔ اوپارے کہ پاکستان مسلم لیگ (ن) نا مسکوہی دور اٹی ہم ملک اٹی ہم وافر بجلی ساڑی ئس و دا ہمسایہ ملک ئِ بجلی تننگ نا پوزیشن اٹی ئس۔ شاہد امین پارے کہ ساڑی آ حکومت نا اولین اولیت 2018 اسکان ملک آن توانائی تنکی نا پورو خاتمہ ئِ ہندا سوب ئِ کہ مچ آ ملک اٹی شمسی توانائی، کول و ونڈ نا ڈٹ آتا بناءکننگ انگ ئِ۔ اوپارے کہ ملکی شون ئِ ہرسا اپوزیشن دھرنہ و برانز نا سیاست کرسا نظر بننگ ئِ واہم ایلو سیاسی جماعت آتا سوچ دا ہڑتوم آ جماعت آتیان جتا ئِ۔ اوپارے کہ پاکستان پیپلز پارٹی و السی نیشنل پارٹی تینا تینا دور آتیٹی دہشت گردی و انتہاءپسندی ئِ خنانو ہنداخاطران اوفتا سوچ جتا ئِ و او خوارہ کہ ساڑی آ حکومت تینا دور اقتدار ئِ پورو کے و انتقال اقتدار پرامن و جمہوری وڑاٹ مرے۔ اوپارے کہ 2018 الیکشن نا سال ئِ و الس ملکی شون و شونہالی ئِ ہرسا وونٹ ایترہ۔
