اسلام آباد۔ 05 ستمبر (اے پی پی) پاکستان مسلم لیگ (ن) نا کسرشون مائزہ حمید پارینے کہ الس باشعور ئِ و او برانز و دھرنہ غاتا سیاست ئِ مسترد کرینو۔ ریڈیو پاکستان تون ہیت وگپ کرسا اوپارے کہ الس آمریت نا دور اٹی نسخان ہرفسا ہرفسا باشعور مسنے و داسا او دھرنہ و برانز نا سیاست ئِ ہم مسترد کرینو۔ اوپارے کہ الس ملک اٹی سکون و شون خواہک۔ مائزہ حمید پارے کہ پاکستان مسلم لیگ (ن) نا حکومت اسہ گچین جمہوری حکومت اسے و دا الس نا شونہالی و شون انا عزم آن سرشار ئِ و وزیراعظم محمد نواز شریف ناکنڈآن جاری کروک توانائی پروجیکٹس ، شاہراہ، موٹرویز و پاک چین اقتصادی راہداری ڈٹ دا عزم انا ثبوت ئِ۔
