گوادر دِکہ ئَ آپ چیر کیبل اسٹیشن ئَ کیبل چیر گیجگ ئِ کار بندات
ڈیجیٹل پاکستان ئِ شنگ ئُُ تالانی مزن وزیر محمد نواز شریف ئِ واھگ اِنت، وزرت انفارمیشن ٹیکنالوجی ئَ ترجی دیگ ئِ بنیات ئَ کار کنگ بوھگ ئَ اِنت
اسلام آباد ۔ 04 ستمبر (اے پی پی) نیشنل ٹیلی کمیونیکیشن کارپوریشن (این ٹی سی) ئِ چیئرمین وقار رشیدئَ گوشتگ کہ کارپوریشن ئَ گوادر دِکہ ئَ آپ چیر کبل اسٹیشن ئَ کیبل چیر گیجگ ئِ کار بندات کنگ بوتگ۔ اے پی پی ئَ گوں تران کنان ئَ آئی ئَ گوشت کہ آپٹیکل فائبر چیر گیجگ شکار پور ئَ چہ گوادر ئَ نوکیں موٹر ویز ئِ گوما چیر گیجگ بیت ایش سی پیک ئِ بھر اِت، ایشرا ایران ، چین اوگانستان ئُُ ایندگہ نیامی ایشیائی ملک آنی گوما سیادی دارگ آناں گیش کنگ ئَ کمک رسیت۔ آئی ئَ گوشت کہ لینڈ لائن فون جوان نہ بوھگ ئَ ابید لینڈ لائن ئِ تہ ئَ شش درسد گیشی ئُُ براڈ بینڈ ئِ کساس 30درسد گیشی ، ایش مزنیں ریکاٹیگ ایں گیشی اَنت۔ وقار رشید ئَ گوشت کہ ٹی ڈی ایم ئِ این چی این نیٹ ورک ئَ مٹ ئُُ بدلیئَ چہ این این ٹی سی یک سال ئِ ریکاٹ ایگیں وھدئُُ پاس 54ھزار ٹیلی فون سیٹ ئُُ 6ھزار براڈ بینڈ جوڑ کنگ ئِ کامیاتی بوتگ۔ یک جُستے ئِ پسو ئَ آئی ئَ گوشت کہ پیسر ئَ راجی ڈیٹا سنٹر آنی برجائی مزن وزیر محمد نواز شریف ئِ واھشت آنی برورد اَنت، آئی ئَ اے مول ئُُ مراد آنی ھاترا وزارت انفارمیشن ٹیکنالوجی ئِ وزیر انوشہ رحمن ئُُ آئی ٹیمب ئَ را اے ذمہ واری داتگ۔ ڈیجیٹل پاکستان ئِ جوڑ کنگ مزن وزیر محمد نواز شریف ئِ واھگ بوتگ ئُُ وزارت انفارمیشن ٹیکنالوجی ایشی ئِ سر ئَ کار کنگ ئَ اِنت۔
