اسلام آباد ۔ 03 ستمبر (اے پی پی) میاں اوستمانی کار آنی شاھوکار ڈاکٹر نور فاطمہ ئَ گوشتگ کہ پاک چین اقتصادی راہداری ئَ نپ ئُُ سیت ئِ ھاترا سڑک ئُُ رسانکی آسراتی آناں گیش جوانترا کنگ بہ بیت۔ ریڈیو پاکستان ئَ گوں تران کنان ئَ آئی ئَ 19نوزدھمی ئُُ 20بیست ھمی کرن ئِ دُرستاں چہ مستریں آپی ئُُ زمینی کشک آناں ٹوھیں بستار پاکستان ئَ را دیگ بوتگ سرجمیں دُگنیا ئَ دیمروئی گندگ ئَ پیداک اِنت۔ آئی ئَ گوشت کہ پاکستان ئِ سر ڈگار باز ارزشتیگ اِنت۔ آئی ئَ گوشت کہ مسلم لیگ (ن) ئِ استیں حکومت جوانتریں پالیسی آنی سبب ئَ سرجمیں دُگنیا ئَ ٹوھیں ٹوھیں سرمایہ کار سرمایہ کاری ئَ پیداک اَنت۔دُگنیا ئِ 46 ارب ڈالر ، دُرستاں چہ مستریں سرمایہ کاری پاک چین اقتصادی راہداری ئِ رنگ ئَ پاکستان ئَ کنگ بوھگ ئَ کنگ بوھگ ئَ اِنت۔ نور فاطمہ ئَ گوشت کہ اے منصوبگ ئِ سرجمی ئَ چہ سرجمیں پڑ ئَ ئُُ افریقہ ئِ بازیں ملک آناں نپ ئُُ سیت رسیت۔ آئی ئَ گیش گوشت کہ پاکستان سی پیک ئَ چہ ھمے نمونگ ئَ سیت زوریت۔ وھدیکہ وتی زمینی دولت آں پاک چین اقتصادی راہداری ئِ رنگ ئَ سڑک ئُُ رسانکی آسراتی ئِ جوانترجوڑ کنت۔ آئی ئَ گوشت کہ حکومت ئِ نیمگ ئَ چہ بندات کتگیں سڑک ، رسانکی ئُُ پاور ئَ ھوار ایندگہ پراجیکٹس آنی نپ ئُُ سیت آیوکیں وھد ئَ گندگ بنت۔
