فیصل آباد۔03ستمبر (اے پی پی) مزن وزیر محمد نواز شریف ئَ گوشتگ کہ ملک ئَ پاور ئُُ معاشی جیڈھ آنی ھاترا گامگیج چست کنگ ئِ ھاترا گوستگیں حکومت آں چہ ھساب ئُُ کتاب گرگ بہ بیت، ھماوانی جان بڈی ئِ سبب ئَ راج کوراسی یے جُھلانک آں کپتگ۔ بُنیاتی کوکا ئَ ھوار ناشرکاری ئَ گوں ما جنگ کنگ ئَ آں۔ پی آئی اے آرا میاں اوستمانی تک ئِ ائیر لائن ئِ نمونگ ئَ آرگ ئَ اَنے۔ سستائیں توان ئَ چہ کشت ئُُ کشاری دیمروئی کنت۔ سیاسی نہ وشی آنی سبب ئَ ما پشت کپتگ آں۔ مروچی پدا معشیت برجا بوھگ ئَ اِنت۔ ملک کوراسی ئَ چہ در کپگ ئَ اِنت۔ ملک ئَ را کوراسی ئِ نیمگ ئَ تیلانک دیوکیں زوراکیں حکمران آناں نوں اُلس ئِ دیم ئَ پسو دیگی اِنت۔ بل ئِ روان دیگ ئِ نظام ئَ را ھلاس کنگ ئِ ھاترا موبائل الیکٹرانک میٹرنگ ئِ نظام دیم ئَ آرگ بوتگ۔ پاکستان ئَ سرمایہ کاری ئَ را چارگ ئَ منی دل سک باز وش بوھگ ئَ اِنت۔ اے ھیالانی درشانی آئی ئَ یک شمبے ئِ روچ ئَ فیصل آباد ئَ ستارہ کیمیکلز انڈسٹریز لمیٹیڈ ئ، نیمگ ئَ 40میگاواٹ ئِ 3ارب کلدار ئِ ھرچ ئُُ درچ ئَ چہ جوڑ بوھوکیں کول توان ئِ منصوبگ ئِ بُنگیجی دیوان ئَ گشتانک دیان ئَ جت اَنت۔
