اسلا م آباد۔ 02ستمبر ( اے پی پی) صدر مملکت ممنون حسین ئَ گشتگ انت کہ پاکستان ئُُ ترکی ئِ معیشت ئُُ واپاری ئِ ھواری ئَ زندے ئِ درستیں شعبہ آں نزیکی کمک برجاہ بہ دار ات۔ ترک ادارگ ئِ نیمگ ئَ پاکستان ئَ نوک ئَ چہ لہتیں شعبہ آنی کرتگیں سرمایہ کاری دلبڈی انت، امیت انت کہ ترک حکومت پاکستان ئَ انفراسٹرکچر ، سالڈو وسیٹ مینجمنٹ ئُُ فوڈ پروسیسنگ ئِ ھواری ئَ لہتیں شعبہ آں سرمایہ کاری ئِ ھاتر ئَ ترک کمپنی آنی دلبڈی برجاہ بہ داریت۔ آئی ئَ اے گپ ترکی ئِ فارن انوسٹمنٹ اکنامک ریلیشنز بورڈ ئِ صدر عمر جہاد وردان ئِ گوں گپ ئُُ تران کنگ ئَ کرتگ آھاں جمعہ ئَ وتی ٹولہ ئِ ہمراہ ایوان صدر ئَ آئی گوں گند ئُُ نند کرت انت۔ اے موہ ئَ ترک سفیر صادق بابر گر کن پاک ترک بزنس کونسلئِ شریدار چیئر مین، اٹیلا دیمر یار یکایا ئُُ دومی حکام ہم ھوار ات انت۔ صدر مملکت ئَ گشتگ کہ پاکستانئُُ ترکی ئِ نیام ئَ اے سال فری ٹریڈ ایگریمنٹ ئِ معاہدہ دوئیں ملک آنی نیام ئَ واپاری ئِ دیمروی ئِ ذریعہ جوڑ بیت ئُُ یکجا واپاری دوئیں برات ملک آنی سرجمیں زانتکاری ئِ ردا بوت کنت۔ صدر مملکت ئَ گشتگ کہ دوئیں ملک آنی نیام ئَ ھستیں واپاری حجم زانتکاری ئَ کم انت، اے امیت کرت کن انت کہ فری ٹریڈ ایگریمنٹ واپاری ئِ حجم زیات کنگ ئَ کمک ثابت بیت۔ آئی ئَ گشتگ کہ اے گپ وش انت کہ دوئیں ملک آنی نیام ئَ واپاری زیات کنگئِ ھوالہ ئَ سول ئُُ تران سہی نیمگئَ روان انت۔ صدر مملکت ممنون حسین ئَ گشتگ کہ میٹرو بس منصوبہ، سالڈویسٹ مینجمنٹ ئُُ ونڈ مِل چشیں منصوبہ دوئیں ملک آنی نیام ئَ نزیکی کمک ئِ مثال انت۔ آئی ئَ گشتگ کہ ترکی ئِ سرمایہ کار آں پاکستان ئَ توانائی ئُُ انفراسٹرکچر ئِ شعبہ ئَ ہم سرمایہ کاری کنگ لوٹیت، ایشی ئَ ابید دوئیں ملک آں لہتیں شعبہ ئَ یک دومی ئِ واپاری ئَ پائدگ زورگ لوٹیت۔ صدر مملکت ئَ گشتگ کہ پاک چین اقتصادی راہداری ئَ نوکیں امیت پیداک بیت آئی ئَ ترکی ئَ ہم پائدگ زورگ لوٹیت۔ صدر مملکت ئَ گشتگ کہ پاکستان نا شرکاری ئِ ھلاپ جنگ ئَ ترکی ئِ گوں ھوار انت۔ ساڑی نا شرکاری ئِ وھیل ئَ قیمتی جان آنی ضیاع بوھگ ئِ سرا ماں ترکی ئِ ڈکھ ئَ بروبریں شریدار انت۔ صدر مملکت ئَ گشتگ کہ دوئیں ملک آنیہ نیام ئَ سوگو سیادی ھست انت آھاں لبز ئَ بیان کنگ مشکل انت ۔ آئی ئَ گشتگ کہ دوئیں ملک آنی باندات شر انت ئُُ دوئیں ملک امن ئُُ وشحالی ئِ ھاترئَ کار کن انت۔
