اقوام متحدہ۔ 02 ستمبر (اے پی پی) اقوام متحدہ نا کنڈآن برجاءاسہ رپورٹ اسے نا رداٹ اوغانستان اٹی 10لکھ چنا غذائی کاختی نا گواچی ئُ ہرانا سوب اوفتے ٹی ناجوڑی تیٹی مبتلا مننگ نا خدشہ غاک ہم بھاز ودانو۔ اقوام متحدہ نا ساڑی آ رپورٹ نا رداٹ غذائی کاختی اوغان چناتا خوموش خونی ئِ۔ دا رپورٹ نا رداٹ ہر اسہ ہزار چناتے تیٹی 55چنا پنچ سال انا وئی ئِ سرمننگ آن مست ہی تپاخت کیرہ و او 55چناتیان 85درسد چنا تینا اولیکو سال دے آن مست تپاخت کیرہ۔ رپورٹ نا رداٹ اوغانستان اٹی 2.7 ملین بندغ غذائی کاختی نا گواچی ئُ۔ اوغانستان اٹی جان جوڑی نا آسراتیک لگ بھگ 60 درسد آبادی ئِ میسر ئُ واہم دا ادارہ چناتا گرج و اوفتا غذائی کاختی ئِ مر کننگ کن ہچ کننگ کپک۔ دارپورٹ نا رداٹ اوغانستان اٹی صرف 38ہندن ئُ جان جوڑی نا ادارہ ئُ ہرا غذائیت تون گنڈوک خذمت فراوان کیرہ۔ یات سلے کہ اوغانستان اٹی اینخو نا سال انا بناءآن داوخت اسکان 388 چنا اوغان فوج و عسکریت پسند آتا نیام اٹ جھیڑہ غاتیٹی خلنگانو۔
