اسلام آباد۔ 02ستمبر (اے پی پی) بنجائی پارلیمانی سیکرٹری داخلہ مریم اورنگزیب پارینے کہ ڈائریکٹوریٹ آف امیگریشن اینڈ پاسپورٹس مسکوہی پنچ سال انا وخت آ 86ارب آن زیات نا ریونیو کٹیا کرینے، شناختی کارڈ ز لسانیت یا علاقائیت نا بناءآ بلاک کننگ پسہ، شناختی کارڈز انا تصدیق نامہم جاریئِ۔ جمعہ آ قومی اسمبلی ٹی وقفہ سوج آتا وخت آ ساجد احمد نا سوج انا ورندی ٹی پارلیمانی سیکرٹری داخلہ مریم اورنگزیب پارے کہ مسکوہی پنچ سال انا وخت آ نظامت اعلیٰ امیگریشن و پاسپورٹ 86ارب 57 کروڑ 10 لکھ روپئی ریونیو کٹیا کرے۔ مشین ایڈایبل پاسپورٹ نا اجراءملک انا تہہ و پیشن نا ملک بناءکرینے۔ ہرادفتر آتیان دا مشین ریڈ ایبل پاسپورٹ جاری کننگ پننگ ئِ ہموکان اسہ ہفتہ ٹی جاری مریک۔ ہراخلقت آک تینے بطور اوغان مہاجر اندراج کرفینو اوفتا چھان بین کننگ انگ ئِ۔ غلام احمد بلور نا سوج انا ورندی ٹی اوپارے کہ شناختی کارڈز اسے بلاک کننگ نا سوب لسانیت ، علاقائیت اف۔ اودے بلاک کننگ نا سوب آک ہر اسہ شاری کن اسہ وڑئُ۔ فیملی ٹری ٹی اگہ غیر فیملی باسک اس درج ئِ تو اونا تصدیق کننگ انگ ئِ۔ اسپیکر پارے کہ نن حکومت و اپوزیشن ئِ دا ویل آ پارلیمانی کمیٹی جوڑ کننگ کن چھٹی اس راہی کرینے۔ دا سنجیدہ ویل اسے و ہر حلقہ ٹی ئِ۔
