اسلام آباد۔ 02 ستمبر (اے پی پی) پاکستان چین اقتصادی راہداری ڈٹ انا ماہر و پنی اقتصادی جاچکار ڈاکٹر اظہر احمد خان پارینے کہ سی پیک ڈٹ انا مقصد ڈیہہ ، یورپ و افریقی ملک آتے اسہ ایلو تون منسلک کروئی ئِ۔ ریڈیو پاکستان تون ہیت وگپ کرسا اوپارے کہ امریکہ نا کنڈآن یورپ اٹی بناءکروک آ ڈٹ پاکستان چین اقتصادی راہداری ڈٹ آن بالکل جتا ئِ۔ اوپارے کہ داڈٹ انامقصد یورپ ئِ شون ترسا روس انا مقابلہ ٹی سلفنگ و روس انا یورپ نا کنڈا پیش قدمی ئِ تورسا یورپی منڈی آ تینا تسلط ئِ قائم کننگ نا ئس وخت اس کہ پاکستان چین اقتصادی راہداری ڈٹ انا مقصدسنگتی ئِ ودفنگ، مقابلہ آن بیدس غٹ ئِ اوار ہلسا چلینگ انگ و ڈیہہ تون اوار یورپ و افریقی ملک آتے اسہ ایلو تون منسلک کروئی ئِ۔ اوپارے کہ پاکستان چین اقتصادی راہداری ڈٹ آن پاکستان تون اوار ڈیہہ و مچ آ دنیا ٹی شونہالی نا اسہ پوسکن ئُ دور اسے نا بناءمریک۔ اوپارے کہ پاکستان چین اقتصادی راہداری ڈٹ بروک آ دے تیٹی بھاز بھلو ڈٹ اس ثابت مریک۔
