4خودکش جلہو گیر سہب انا 5بجہ ئُ پنجا منٹ آ سیکورٹی گارڈ ئِ نشانہ جوڑ کرسا کرسچن کالونی ٹی پترینگاسر
اسلام آباد۔ 02 ستمبر (اے پی پی) پشاور نا علاقہ ورسک روڈ اٹی 4دہشت گرد آتے تپاخت کننگا۔ جمعہ آ آئی ایس پی آر نا کنڈآن برجاءمروک آ بیان نا رداٹ 4خودکش جلہو گیر سلہہ و گولہ بارود آتون اوار سہب انا تقریباََ 5بجہ ئُ 50 منٹ آ سیکورٹی گارڈ ئِ نشانہ جوڑ کرسا کرسچن کالونی ٹی پترینگار ، سیکورٹی فورسز آک دمدستی ورندی کارروائی کریر و او علاقہ ئِ گھیڑ اٹی ہلکر۔ داوخت آ سیکورٹی فورسز و دہشت گرد آتا نیام اٹ سم کاری نا تبادلہ ٹی غٹ دہشت گرد آک تپاخت کریر وخت اس کہ فرنٹیئر کور نا اِرا ورنا، اسہ پولیس کارندہ اس و اِرا سویلین سیکورٹی گارڈ ٹھپی مسر۔ سیکورٹی فورسز آک کرسچن کالونی ٹی حالیت آتامون ئِ توننگ آن پد اُرااُرا ٹی تلاشی نا بنائِ کریر۔
