گوادر بانداتگیں دیمروئی کتگیں شہر ئِ زانگ بیت، گوادر پاکستان اِنت ئُُ پاکستان گوادر اِنت، پاکستان ئَ ناشرکاری ھلاس بوھگ ئَ اِنت، بلوچستان ایمن ایں جاھ ئِ بوھگ ئَ اِنت، آروچ دور نہ اِنت وھدیکہ چیدن ئَ چہ ٹریفک چلیت ئُُ گوادر ئَ کئیت، چین ئِ کمک ئَ پاور، ریل آنی جوانتری،اقتصادی زونز آنی جوڑ کنگ، روڈ نیٹ ورک ئَ ھوار انفراسٹرکچر ئِ بازیں منصوبگ سرجم کنگ بنت، چین ئُُ پاکستان ئِ نیام ئَ دوستی سیاسی پڑ ئَ چہ انوگ ئَ تاں اقتصادی پڑ ئَ مٹ بوھگ ئَ اَنت، 2018ئَ تاں ملک ئَ لوڈشیڈنگ ھلاس کنگ بیت
گوادر۔ یکم ستمبر (اے پی پی) مزن وزیر محمد نوازشریف ئَ گوشت کہ اَستیں حکومت ئِ نیمگئَ چہ دیمروئی ئِ نیمگ ئَ دلگوشی کنگ ئِ رِچ دیم ئَ جُنزان اِنت، گوست ئِ تہ ئَ پدمنتگیں شہر گوادر آیوکیں زمانگ ئَ دیمروئی کنوکیں شہر زانگ بیت۔ گوادر پاکستان ئُُ پاکستان گوادر اِنت۔ 1991ئَ گوادر ئِ ارزشت مارا سما بوتگ اے منی کوھنیں واب ئِ بوتگ الحمد اللہ مرچی سرجم بوھگ ئَ گندگ ئَ پیداک اِنت۔ پاکستان ئِ تہ ئَ ناشرکاری ھلاس بوھگ ئَ اِنت۔ بلوچستان ایمن ایں جاھ ئِ بوھگ ئَ اِنت۔ آروچ سک دور نہ اِنت کہ وھدئِ چین ئَ چہ ٹریفک گوادر دئَ رو ّا کنت۔ گوادر دِکہ پاکستان ئُُ چین دوئین آنی ھاترا یک بروبریں مانا داریت۔ پاور ، ریل ئِ جوانتری، اقتصادی زونز آنی برجائی، روڈ نیٹ ورک ئَ ھوار انفراسٹرکچر ئِ بازیں منصوبگ چین ئِ کمک ئَ سرجم کنگ بوھگ ئَ اَنت۔ چین ئُُ پاکستان ئِ نیامئَ دوستی ساسی پڑ ئَ چہ نوں اقتصادی پڑ ئَ مٹ بوھان اَنت، ھمے جوانیں دوستی ئِ نشانی اِنت۔ ملک ئَ پن توان، کوئلہ، ایل این جی، ونڈ، سولر پاور پلانٹس ئِ سر ئَ کار جاڑی اِنت، 2018ئَ تاں سرجمیں پاکستان ئَ لوڈشیڈنگ ھلاس کنگ بیت۔ آئی ئَ اے ھیالانی درشان پنچ شمبے ئِ روچ ئَ اِدا بازیں دیمروئی یے منصوبگ آنی بنداتی ئُُ بُن ھشت ایری مراگش ئَ گوں گشتانک دیان ئَ کُت اَنت۔
