اسلام آباد۔ 01ستمبر (اے پی پی) پاکستان اٹی رہینگوک اوغان مہاجر آتا پدی ہِننگ نا چرجوئی برجائِ۔ تدوک آ دے چار ہزار بیست ئُ پنچ بندغ پدی اوغانستان آ ہنانو ، پدی ہنوک آ رجسٹرڈ اوغان مہاجر آتے وطن آ پدی ہِننگ نا وخت آ 400 ڈالر فی کس ادا کننگ انگ ئِ۔ 83ہزار 900 رجسٹرڈ وغیر رجسٹرڈ اوغان مہاجر داوخت اسکان اوغانستان آ پدی ہنانو۔ پنچ شنبے آ یو این ایچ سی آر نا کمامدار آک اے پی پی تون ہیت وگپ کرسا پاریر کہ پاکستان آن اوغان مہاجر آتا پدی ہِننگ نا چرجوئی برجائِ، تدوک آدے چار ہزار بیست ئُ پنچ بندغ پدی اوغانستان نا ہنانو ہرافتے ٹی خیبرپختونخوا آن مسہ ہزار دوسد بندغ بلوچستان آن 102اسلام آباد آن28 سندھ آن وخت اس کہ پنجاب آن شش سد ئُ نود ئُ سہ اوغان مہاجر تدوک آ دے پاکستان آن اوغانستان آ ہنانو۔ کمامدارآتا رداٹ داوخت اسکان اوغان مہاجر آتا وطن آ پدی ہنوک آتا کچ 83ہزار نہہ سد بندغ اوغانستان آ ہنانو وخت اس کہ وطن آ پدی ہنوک آ رجسٹرڈ اوغان مہاجر آتے 400 ڈالر فی کس تننگ انگ ئِ۔
