اسلام آباد۔ 01 ستمبر (اے پی پی) وزیر مملکت انجینئر بلیغ الرحمان پارینے کہ پاکستان کشمیر نا اخلاقی، سفارتی و سیاسی مخ تفی ئِ برجاءتخک۔ ریڈیو پاکستان تون ہیت وگپ کرسا اوپارے کہ مچ آ دنیا دہشت گردی نا پلویڑ اٹی ئِ و پاکستان نیشنل ایکشن پلان آ عملدرآمد نا سوب سرسہبی دوئی کرینے۔ اوپارے کہ بھارت بلوچستان و کشمیر اٹی مروک آ دہشت گردی ٹی اوڑدہ ئِ ۔ انجینئر بلیغ الرحمان پارے کہ بھارت بلوچستان اٹی بدامنی تالان کرسا پاکستان ئِ نزور کننگ خواہک واہم ساڑی آ حکومت نا سرسہب حکمت عملی نا سوب او تینا مقصد اٹی وخت اس ہم سرسہب مفک۔ اوپارے کہ کشمیر اٹی بھارتی بیدادی عروج آٹی ئِ و بھارتی فوج غٹ انا مون آ انسانی حق انا پامالی ئِ کننگ ئِ۔ انجینئر بلیغ الرحمان پارے کہ پاکستان نا کنڈآن جہانی کہول آ کشمیر نا ویل ئِ تالان کننگ نا سوب دنیا نا مون آ بھارت نا مکروہ چہرہ پاش مسنے ہنداخاطران بھارت داوڑکننگ ئِ و منفی پروپیگنڈہ کرسا دنیا نا توجوہ تینا زی آ خلوک دوبہ غاتیان مر کننگ نا کوشست کیک۔ کشمیر نا ویل آ پاکستان نا موقف نا بابت چست کرو ک آ سوج انا ورندی ئِ ترسا اوپارے کہ داکان مست وزیراعظم محمد نواز شریف کیہی وار پارینے کہ نن کشمیر نا سفارتی ، اخلاقی و سیاسی مخ تفی ئِ برجا ءتخنہ۔ اوپارے کہ پاکستان تینا سفارتکار و پارلیمنٹرین آتا کمک اٹ کشمیرنا ویل ئِ مچ آ دنیا ٹی تالان کننگ ئِ۔
